‘बीएससी मीडिया ग्राफिक आणि अॅनिमेशनमध्ये शिक्षण घेणाऱ्या विद्यार्थ्यांसाठी हा उपक्रम राबविण्यात आला होता. एनडी फिल्म वर्ल्ड हे एक उत्तम वास्तुशिल्पकाराचे अतिशय सुंदर उदाहरण आहे. भारतीय सिनेमाच्या इतिहासासंदर्भात माहिती देणे आणि त्याची प्रक्रिया जाणून घेणे हा या उपक्रमाचा प्रमुख उद्देश होता', असे ‘वेदा’ महाविद्यालयाचे प्राचार्य ऋषी आचार्य यांनी सांगितले.

‘या भेटी दरम्यान विद्यार्थ्यांनी दिग्दर्शक नितीन देसाई यांच्याकडून टाउन स्क्वेअर सेट, अत्याधुनिक तंत्रज्ञानाशी संबंधित हॉरर मूव्ही, हॉरर सीरियल, शूटिंगसाठी बनविलेले एक अनोखे घर, संत विठ्ठलाची विशाल संरचना यांविषयी माहिती घेतली. तसेच हिंदी सिनेमाचे मूल्य समजून घेतले,’ असे या उपक्रमाचे आयोजक स्वतंत्र जैन यांनी सांगितले.

या उपक्रमाच्या माध्यमातून विद्यार्थ्यांनी स्टोरी बोर्ड, आर्ट आणि डिझाइन्स, ठिकाणाची निवड, पटकथा, रिअल टाइम नाटक आणि अभिनय, ध्वनी प्रणाली, प्रकाशाची परिणामकारकता, स्टेज व्यवस्था या बाबतची सविस्तर माहिती मिळाली.